NFA, ginpasalig ang bastante nga stocks kag supply sang bugas sa Capiz sa tiun sang kalamidad kag emerhensya!

31

Roxas City, Capiz- Ginpasiguro ni NFA Regional Office VI Director Dianne Silva ang pagbulig sang ahensya sa tiun sang kalamidad. Ini ang ginpasalig ni Silva kadungan sang iya pagkortesiya sa talatapan ni Capiz Governor Esteban Evan Contreras sa diin kaupod sini sa pagbisita amo si NFA Capiz OIC Herrielle Jumagbas. Ginpahayag ni Silva nga sa tiun sang kalamidad kag emerhensya, may yara sang bastante nga stocks kag supply sang bugas ang NFA nga yara sa tagsa nila ka mga warehouses partikular sa Brgy Bolo Roxas City kag banwa sang Dumalag. Samtang ginpahayag ni NFA Capiz OIC Herrielle Jumagbas nga sang nakaligad nga tuig- 2019, naglab-ot sa 278,907 ka bags sang humay nagikan sa mga lokal nga mangunguma sa probinsya ang nabakal sang NFA-Capiz. Ini ang pinakamataas nga rice procurement accomplishment sa nakaligad nga napulo ka tuig. Nakahanda man ang NFA sa pagbakal sang humay partikular ang “clean and dry play” nga may yara sang 14% moisture content sa 19 pesos kada kilo.

photo(c) – NFA Capiz


Facebook Comments