Duha ka motorsiklo nagbangga-3 patay

General Santos City—tulo patay sa pagsungag sa duha ka mga motorsiklo sa may Purok 1B, Barangay Landan, Polomolok, South Cotabato.

Mga biktimang nakabsan nailhang silang si Rene Diale, 23, residenti sa Prk. 3, Barangay Landan, Polomolok, driver sa Motoposh Pinoy 125 Motorcycle; Jeric Diale, 11, residenti sa samang lugar kansa back rider; ug Luz Loagan, 27, residenti sa Prk. 1B, Barangay Landan, Polomolok driver sa SRM Sunriser nga motorsiklo nga may plate no. MZ-7706.

Sa inisyal nga imbistigasyon sa Polomolok PNP nasayran nga alas 8:23 ang takna sa gabie Domingo, June 18, 2017 gikan ang mga biktimang silang si Rene Diale ug Jeric Diale sa Barangay Maligo angkas ang usa pa nila ka kauban nga si Ella Mariz Diale pauli na unta sa ilang panimalay, pag abot sa Prk. 1, Barangay Landan, aksidenting nagbangga ang ilang gisakyang motorsiklo sa motorsiklong gimanihuan ni Luz Loagan nga nagdagan sa opposite direction.


Tungod sa kakusog sa impact, nalagbot ang tulo ka mga biktima nga nahimong hinungdan sa grabeng angol nga naangkon sa mga biktimang si Rene Diale, Jeric Diale ug Luz Loagan.

Dali silang gidala sa Howard Habbard Hospital apan samang gideklarang dead on arrival sa maong tambalanan ang mga biktima.

Nakaangkon usab ug mga samad ug pangos ang back rider ni Rene nga si Ella Mariz u gang back rider ni Luz Loagan nga si John Lloyd Manduan, 18 anyos nga taga Prk.1A, Barangay Landan.

Sa karon padayon pa ang gihimong imbistigasyon sa Traffic Management Unit sa Polomolok Municipal Police Station kalabutan sa maong insidenti.

Facebook Comments