Kristo sa sabungan, gipusil patay

38

General Santos City—patay ang usa ka kristo sa sabungan human kining gipusil sa Riding in Tandem sa may 3rd Road, Barangay Calumpang, General Santos City.

Ang biktima nailhang si Walter Mesias Abing, 39, residenti sa Octavio Vill., Barangay Cannery Site, Polomolok, South Cotabato.

Alas 8:30 ang takna sa gabie, niadtong Sabado, June 17, samtang ang biktima naglingkod sa lingkuranan daplin sa kalsada sa may 3rd Road, Barangay Calumpang siya gipusil sa duha ka mga suspetsadong nakamotorsiklo.

Nakaangkon ug samad sa iyang tiyan nga bahin ang nahisgutan nga milapos sa iyang likod nga nahimong hinungdan sa iyang hinanaling kamatayon. Gilayong mi sibat ang nga suspek sa wala sayring lugar.

Sumala ni Police Chief Inspector Cris Tio Lagyop, Hepe sa Tambler Police Station nga duha ka anggulo ang gitutukan sa iyang mga Imbistigador sa motibo sa krimen.

Una niini ang kalabutan sa iligal nga druga human miangkon ang Live-in partner sa biktima nga kanhi nang naggamitan ug Shabu ang iyang kapuyo. Apan giangkon niini nga miundang na ang nahisgutan sa paggamitan ug druga human gipakusgan ang kampanya sa kapulisan.

Usa pa ka anggulong gitutukan mao ang trabaho niini isip kristo sa sabungan. Giangkon usab sa kapuyo sa biktima nga daghang batal tungod sa sabong ang nahisgutan biktima.

Hinuon wala man gibaliwala sa Tambler Police Station ang uban pang anggulo nga mosibling motibo sa krimen, sa karon ila pang gipalawman ang ilang imbistigasyon.

Facebook Comments