Duha ka negosyante usa ka call center agent sikop, dul-an 100K nga shabu kasohan karon adlawa

Davao City- Gi-andam na sa Philippine Drug Enforcement Agency (PDEA-Xl) ang mga dokumento og karong adlawa Pebrero 27, 2024 ipasaka ang kaso sa piskalya sa kasong kalapasan sa RA 9165 Comprehensive Dangerous Drugs Act 2002 batok sa duha ka negosyante ug usa ka call center agent human nasikop sa gikasang buy bust operation sa Sandawa road, SIR Phase-2, Brgy 76-A Bucana Davao City.

Giila ang mga dinakpan sila alyas Ash, 21-anyos taga Matina Crossing kauban sila alyas Chan 26-anyos taga Barangay Pob, Toril ug alyas Juven 24-anyos taga Brgy. 76-A ning syudad.

Sumala pa malampusong nasikop ang mga suspect nakuhaan og 17 ka mga pakete nga marijuana,nga motimbang og 170 grams, 3 ka sachet nga gituohang shabu nga motimbang og 10 grams sa kinatibik-an mokantidad og dul-an P100,000.00 lakip nakumpiska ang mga illegal drugs paraphernalias.

Sa interview sa DXDC RMN Davao kang Noli Dimaandal,ang Tigpamaba sa PDEA-XI gisulti niya,dugay dugay na sab kini ginapanid-an sa mga operatiba nga nagabaligya og illegal nga droga pinaagi sa tabang sab sa mga stakeholders ug komunidad sa pagtunol impormasyon resulta sa pagkasikop sa mga suspect.

Gi-awhag sab sa opisyal,ilabi na ang mga nalambigit sa illegal nga aktibidad nga gusto nang magbag-o sa ilang kaugalingon mamahimong mo-avail sa programa sa PDEA-XI nga Voluntarily Submission for Rehabilitation Program.

RadyoMaN Don Pulayao