General Santos City— Nailahan na ang duha ka mga miyembro sa New Peoples Army kon NPA nga namatay sa engkwentro sa Alabel, Sarangani milabay’ng semana.
Sumala kang Capt. Rudini Bugador, tigpamaba sa 73rd Infantry Battalion nga ang duha mao silang Nadhem Toledo Colorado alias Vincent, Commanding Officer sa Platoon Uno sa Guerilla Front 71 sa Far South Mindanao Region ug residente sa Prk. 3, Brgy. Batang , Tulunana, North Cotabato.
Samtang ang usa ang nailang si Boy Ardiente Tang, alias Dragon, miyembro sa platoon 2 sa guerilla front 71 sa FSMR nga residente sa Sitio Midalas, Brgy. Pag-asa, Alabel, Sarangani.
Pamahayag ni Bugador nga mismong mga kabanay sa mga nahisgutan ang miila sa duruha lakip na ang mga kaubanan nilang nauna ng mitahan sa gobyerno.
Dugang pamahayag ni Capt. Bugador nga gawas sa mga namatay aduna mga impormasyon nga nakaabot kanila nga daghan ang samdan sa han-ay sa NPA human ang maong engkwentro ug ilaha nalang ginapaabot nga boluntaryong musurender ang mga nahisgutan ngadto sa gobyerno.
