Davao City- Dili dapat mokompiyansa karon panahona gumikan kay ang mga kawatan subling nisiaw na sab sa pagpangawat partikular sa area of responsibility Sta. Ana PNP ning dakbayan.
Sa report gikan kapulisan Sta. Ana duha katao ang nabiktima sa kawat gipang ila nga sila si Roselyn Kalaw (21 anyos) ug Erwin Larisma, nagtrabaho isip mga office staff, pareho nagpuyo sa R. Castillo Agdao.
Matud pa sa mga biktima, samtang nangatulog niadtong tungora ila nalang nadiskobrehan sa dihang nahanaw na ilang mga gamit sama sa Samsung cell phone nga mokantidad og 5,000.00 ka pesos ug cash nga 5,950.00 kapesos, Asus tablet nga mokantidad og 15,000.00 pesos ug iPhone nga mokantidad og 4,000.00 ka pesos.
Human sa hitabo ang duha ka biktima igo nalang sa pagpablotter sa Sta. Ana PNP aron paimbestigahan kun kinsa ang mga suspetsado nga responsable sa pagpangawat sa ilang mga gamit.
RadyoMan Don Pulayao
