Duha ka pasyente nga nagpositibo sa COVID-19 sa probinsya anaa na sa luwas nga kondisyon, total lockdown dili ipatuman sa gobernador

52

Pagadian City – Gipaklaro karon sa Zamboanga del Sur Task Force Covid-19 nga clinically stable ang kondisyon sa duha ka pasyente nga nagpositibo sa Corona Virus Disease nga anaa gipahuluna sa isolation area .
Sigon ni Zamboanga del Sur Medical Center Chief of Hospital Dr. Natz Cagampang, maka-atiman na sa ilang kaugalingon si Patient number 7 nga usa ka 62-anyos nga babaye nga taga-Pagadian City nga dunay history of travel sa Manila ingon man usab si patient #5 nga taga-Labangan nga nakabyahe gikan sa Taguig City.
Gipadaplin usab sa kagamhanang probinsyal ang sugyot nga ipailalom sa total lockdown ang tibuok probinsya gumikan maong kaso.
Gisulti ni Governor Victor Yu nga dili mamahimong basehan ang duha ka positibo nga kaso aron ipatuman ang lockdown kay dili mamahimo nga molapas sa guidelines ug policies sa National nga kagamhanan.
Padayon ang hangyo sa kagamhanang probinsyal ngadto sa katawhan nga mosanong sa mga polisiya nga gilatid sa mando ehekutibo kabahin sa implementasyon sa Enhanced Community Quarantine.

Facebook Comments