Katipunan- Gikasuhan na ang duha ka person of interest nga sila si Jessie Paran y Cabigas ug Arnel Indong y Ontoy sa matod pa pagpakatag ug hubo nga hulagway sa usa ka dalaga nga si alyas Nanie, 22 anyos, residente kini sa Brgy. Bulawan, lungsod sa katipunan.
Subay sa nahipos nga report sa kapulisan sa maong lungsod, mitaho ang dalaga uban sa iyang inahan ngadto sa kapulisan aron mangayo ug pakitabang may kalabot sa mikatag nga hubo nga hulagway sa iyang anak nga walay sila’y kasayuran sa maong panghitabo.
Tungod sa maong taho dali nga mihimo ug entrapment operation ang kapulisan sa katipunan batok sa duha ka indibidwal.
Sa Municipal Plaza sa maong lungsod didto nasikop sila si Jessie Paran y Cabigas, 27 anyos sekyu sa Jepce Sale sakop kini siya sa Golden Sun Investigation and Security Agency or GSISA, residente sa brgy. Barra, ning atong dakbayan samtang sikop usab si Arnel Indong y Ontoy, 23 anyos, sekyu sa Sebio Educational Supply sakop sa Black Arrow Agency, taga Seres, Katipunan.
Kasong paglapas sa Sec. 4, R.A 9995 (Anti-Photo and Video Voyeurism Act of 2009) ang gipasaka kanila kagahapon.
Apan mipagawas ug kamaduoan ang piskal nga si Cesar Romero nga pagawsan una kini sila aron papangitaon ug abogado kun unsa ka tinuod ang gipasangil kanila, tagaan sila ug napulo ka adlaw aron moatubang ngadto sa korte dala ang ilang abugado.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
