Duha ka persona, pilason sa bunggoanay sang traysikol kag salakyan sa Calipayan, Punta Tabuc, Roxas City!

15
smart

Roxas City, Capiz- Pilason ang drayber sang traysikol kag pasahero sini matapos nga nabunggo sa kasugata nga salakyan pasado ala una sang hapon sa Calipayan Barangay Punta Tabuc, Roxas City.
Lunsay gindala sa Capiz Doctors Hospital ang drayber sang traysikol nga nakilala kay Eduardo Oso y Candelario sang Sacred Heart Village kag pasahero sini nga si April Anne Alair y Arcangeles sang Barangay Tanque, Roxas City.
Si Oso ang nag-angkon sang pilas sa iya agtang samtang si Alair ang napu-po ang isa sini ka ngipon bangud sa kabaskugon sang pagkabunggo sang ginasakyan nga traysikol sa kasugata nga salakyan nga ginamaneho naman ni Francis Panaguiton, residente sang Barangay Culasi, Roxas City.
Suno sa inisyal nga imbestigasyon ni Police Chief Executive Master Sargeant Anthony Bibit, wala makontrol ni Oso ang manibela sang ginadala nga traysikol samtang ginasubay ang kurbadahon nga porsyon sang dalan kabangdanan nga nasanggit sini ang nawala nga parti sang salakyan nga ginamaneho ni Panaguiton.
Ginapatihan nga natagpilokan ang nagamaneho sang traysikol rason sang amo nga aksidente.

Facebook Comments