Himas rehas na karon sa Siayan Municipal Station ang usa ka pinangita sa balaod nga si Remelyn Villacampa Bontigao, 43 anyos, tigbantay kini sa Pepoy’s Bakeshope sa maong lungsod, residente kini sa Brgy. Muñoz, Siayan human kini nadakpan sa mga tinugyanan sa balaod.
Si Remelyn nag atubang kini sa kasong paglapas sa Sec. 10(a) sa R.A 7610 adunay CC no. S-5720.
Ang korte nagrekomendar ug pyansa sa kantidad P80,000mil alang sa iyang kagawasan.
Samtang laing pinangita sa balaod ang nasikop sa kapulisan sa lungsod sa Sergio Osmeña uban sa personahe sa Zamboanga del norte PPO sa ilang gihimong law enforcement operation dala ang warrant of arrest didto sa Brgy. Pob. Alto, Sergio Osmeña.
Naila ang dinakpan nga si Oscar Tagab Reporiol, 32 anyos nagpuyo sa Brgy. Bag-ong Baguio, nag atubang usab kini sa kasong gipasaka kaniya ang Sec. 10(a) sa R.A 7610 adunay CC No. 22345 gikan kang Judge Rogelio D. Laquihon sa RTC 9 Judicial Region, Branch 7, Dipolog City.
Sa pagkakaron nagpabugnaw na sa balay bilangguan ang maong indibidwal aron serbisyoan ang salaod nga nahimo.
