Duha ka piniriso sa Digos mi-eskapo, usa patay

51

Davao City – Usa patay, usa samaran human mi-eskapo ang duha ka mga piniriso sa Digos City Jail alas 12 ang takna kaganinang udto.

Sa report gikan sa Police Regional Office kun PRO XI, usa sa mga naka-eskapo ang napusil-patay samtang samdan ang usa sa dihang nasakpan sa mga personahe sa Bureau of Jail Management and Penology kun BJMP.

Giila ang namatay nga piniriso nga si Tiwan, Bakotal Pino, 22 anyos, residente sa Brgy. Datu Danwata, Malita, Davao Occidental nga adunay kasong Murder samtang ang samaran giila nga si Digan, Meroy Gampong, 22 anyos, residente sa Brgy Kapatagan, Digos City nga dunay kasong homicide.

Matud pa nga miambak sa koral sa Digos City Jail ang duha apan nasakpan sa guard on duty.

Kaganina gidala na sa balay tambalanan ang samarang piniriso.

RadyoMaN Renz Barbarona

Facebook Comments