Davao City- Wala na makabyahe pa aron mamasahero ang duha ka PUJ Drivers human napalitan og droga sa operatiba sa Sasa PNP kagabii.
Tingkaron sa selda ang duha nga giilang sila Lino Damasin, 38 anyos, minyo ug nagpuyo sa Brgy.9-A ug si Dennis Cuga, residente sa Lusville Subd., Panacan ning siyudad.
Ang duha napalitan og droga sa pulis nga nagtakuban atol sa gilusad nga buy-bust operation nga gihimo sa Panacan, Davao City.
Nakumpiska gikan kanila ang duha ka sachet sa gitohoang shabu, usa ka libo ka pesos nga mark money, ug uban pang paraphernalias.
Matud sa hepe nga si Police Major Reuben Libera nga ang duha ka dinakpan anaa sa ilang drug watchlist maong ilang nasundan ang iligal nga kalihukan sa mga suspek.
Wala na sab nagpakita og pagsukol ang duha dihang ilang nasayran nga mga otoridad diay ang ilang gikatransak.
Kasong may kalapasan sa Republic Act 9165 kun Comprehensive Dangerous Drugs Act of 2002 ang atubangan sa duha ka pusher nga mga drivers.
RadyoMaN Joel Viray
