Human mahitabo an enkwentro kagahapon sa buntag didto sa brgy. Can aga ,Malimono, SDN nan tropa sa 3oth IB Phil. Army tali na sa mga NPA o rebelde, duha ka mga sakop sa rebelde an nadakpan nan mga kasundalohan sa did on na ini miresponde sa lokal na mga residente na padajon sila giajuan (extortion) sanan tag-abusohan nan rebeldeng grupo. Sa enkwentro nan kasundalohan sa banabana kinse kabuok na mga rebelde na sakop sa Guerilla Front 16B ini milungtad sa 20 minutos na miresulta sa pag ikyas sa lain laing direksyon nan mga rebelde. Sa gihimo na pursuit operation nan kasundalohan, nadakop an duha ka mga tagtuhoang rebeldeng terorista lakip an pagkakumpiskar nan ila mga armas, IEDs, ICOM Radio nagkalain laing dagko na armas, bala, granada sanan mga subersibong dokumento sanan kwarta na tagtuhoang mga inajo sa mga residente na mokantidad P53,000.00. Tagbutyag kuman ni Lt. Col.Allen Tomas nan 30th IB na padajon nila bantayan kuman an mga kabarangayan sakop sa probinsya nan SDN tungod sa hulga na taghimo sa mga rebelde labina kuman BSK Elections sa Mayo 14.Nahibaw an na nangajo an mga rebelde didto sa amu na mga barangay sa pipila ka mga kandidato nan Permit to Campaign sanan Permit to Win. Tagpasalamatan isab kuman nan kasundalohan an mga residente na padajon mikooperar sanan mireport sa ila para masumpo sanan maundang an mga abuso na taghimo sa mga rebelde sa ila komunidad. ( Source:1LT KEN T ENCISO (INF) PA Civil-Military Operation Officer)
