GENERAL SANTOS CITY – Nitahan ang duha ka sakop sa NPA sa probinsya sa South Cotabato kauban ang ilang dala na mga armas niaging adlawng Sabado sa 27th Infantry Battalion sa Upper Sepaka, Surallah.
Usa ka 27-anyos nga giila sa pangalang Goyo Lagal Pandatu alyas Bombay, minyo og residente sa Baragnay Moloy sa maong munisipyo og Toto Lumbay Sore alyas Toto, 32-anyos, minyo og residente sa Upper Sepaka ang nitahan dala ang ilang M16 (ELISCO) rifle, Improvised M79 rifle ug usa ka cal .45 thompson sub-machine gun ngadto sa tropa sa 27th IB.
Matod sa mga rebelled tungod nagsige karon ang operasyon sa mga tropa sa gobyerno gikapoy na sad og sige dagan ingon man panago sa bukid samtang nahadlok sad kini basi mapatay sa engkwentro sumala kay Bombay.
Kahibaw-an nga niaging bulan sa Abril og Mayo ning tuiga sagunson na mga engkwentro ang nahitabo sa T’boli, South Cotabato ug Maasim Sarangani Province nga nagresulta sa pagkasikop sa myembro sa NPA, nakarekober sad og upat ka mga tag-as na matang sa armas.
For more info’s and updates, like and share our official facebook account : www.facebook.com/ifm91.9Gensanofficial/
