Giila ang mga drayber nga silang Renato Cagape, 72 anyos, minyo, ug residente sa Purok-8, Kulasihan, Lantapan, Bukidnon nga nagmanehu sa usa ka Kawasaki CT100 nga single motor batok kini sa usa ka Yamaha Sniper, nagtangag og plakang numero 7918 KF nga gimanehu sa usa ka 16 anyos nga Grade 12 student ug residente sa Purok-2, Barangay Apo Macote, ning siyudad.
Sa report gikan sa Malaybalay City Traffic and Management Center (TMC), gadagan gikan sa managlahing direksyon ang duruha ka mga single motor sa dihang pag abot sa lugar nadisgrasyahan, dayong paliko sa Kawasaki nga motor, nabanggaan niini ang maong Yamaha Sniper.
Gumikan sa panagbangga, nakahiagom og bun-og ug pangos sa kalawasan ang mga drayber ingon man sa angkas sa Kawasaki single motor nga nailang si Teoquilda Cagape, 74 anyos nga asawa sa drayber ug lakip nga nadala sa balay-tambalanan.
Luwas ra hinoon ang kahimtang sa mga biktima samtang giturn-over ngadto sa Malaybalay City Police Station ang duha ka mga single motor alang sa tokmang disposasyon.
