General Santos City— Samdan ang duha ka miyembro sa Marine Battalion Landing Team 2 human mabuthan ug landmine sa Sitio Ugangawon, Barangay Datu Ito Andong, Kalamansig, Sultan Kudarat.
Sumala kang Major Arvin Encinas, tigpamaba sa 6th Infantry Division nga nagpahigayon ug joint security patrol ang militar ug ang marine battalion dihang mibuto ang usa ka anti-personnel land mine.
Ang maong pagbusikad ang miresulta sa lima ka minuto nga engkwentro tali sa rebeldeng New People’s Army kung asa ilahang gipa-arakan ang tropa sa gobyerno rason nga mibalos ang militar.
Dugang pamahayag ni Major Encinas nga mi-atras ang grupo sa npa ilalom sa Guerilla Front 73 dihang mi-abot agn dugang pwersa sa militar. Nagpahigayon man usab ug clearing operation ang militar sa lugar ug narekober ang laing anti-personnel land mine.
Sa kasamtangan, anaa na sa luwas nga kahimtang ang duha ka sundalo nga naamdan, ug ginasuta pa ung adunay mga samdan sa han-ay a rebeldeng grupo.
Ang maong engkwentro ang resulta matud pa sa mas gipakusgang kampanya sa gobyerno batok terorismo sa area sa Sultan Kudarat. Paniguro man usab niini nga ang mga residente sa lugar ang mmahimong luwas gikan sa presensya sa rebeldeng grupo.
Pasalamat man usab niini ngadto sa kumyunidad gumikan sa mga impormasyon nga gina-paabot ngadto kanila hilabina nga dunay presensya sa armadong grupo.
