General Santos City—Adunay posibilidad nga usa ra ka suspek ang responsabli sa pagpamusil sa duha ka sunod-sunod nga pagpamusil ilawom sa area of responsibility sa Police Station 4, kini ang gibutyag ni Police Chief Inspector Joel Martinez, ang hepe sa Police Station 4.
Sumala sa opisyal nga basi sa ilang imbistigasyon pareho matud pa ug pamaagi ang pagpatay sa duha ka mga biktima butang nga ilang gituohang usa ra ka suspek ang misiho sa krimen.
Hinuon ila pang ginaimbistigahan ang insidenti ug ginasuta pa nila kung usa ra ka pusil ang gigamit sa pagpatay sa mga biktima.
Una nang gipusil patay ang biktimang si Dodo Baguio sa May Mabuhay Road ug gisundan kini sa pagpamusil sa Fish Vendor nga si Jerwin Taburada kansa gipusil patay sa may Talipapa Market sa Barangay Mabuhay.
