Report nga dunay narekober nga IED sa Polomolok, dili Tinuod

11

General Santos City–Gipaklaro ni Police Chief Inspector Alex Joe Orcajada, Hepe sa Polomolok Municipal Police Station nga walay kamatuoran ang mga reports nga matud pa dunay narekober nga duha ka IED ilawom sa ilang Area of Responsibility.

Sumala sa opisyal nga walay IED nga nakalusot sa lungsod sa Polomolok mao nga walay angayang kabalak-an ang katawhan.

Kung duna may mga nangkatag sa Social Media nga kuno dunay nakaplagang IED sa lungsod kini peke nga balita ug dili angayang tuohan.

Dugang pagbutyag ni Police Chief Inspector Orcajada nga aduna lay mga un-attended baggage nga una na nilang gi-disrupt sa ilang AOR mao nga adunay pagbusikad nga nadunggan sa mga residenti.

Iyang giklaro nga kini dili bomba. Ang una nilang gi-disrupt ang sako nga puno ug basura. Ang ikaduha mao ang bag nga adunay sulod nga libro ug notebook nga gituohang iyaha sa usa ka estudyante.

Facebook Comments