Pagadian City – Gibulabog sa duha ka sunog ang syudad sa Pagadian sa niadtong sabado sa hapon.
Unang gilamoy sa kalayo ang dumpsite nga nahimutang sa Purok Bagong Silang, Pagadian City dihang kalit nga may mibusikad nga gitoohang lighter sa dili malata nga bahin sa nagtapok nga basura.
Dali nga mikatay ang kalayo sa gumikan sa kauga sa lugar ug kainit sa panahon hangtud nga niabot kini sa gitapukan sa mga ligid rason nga dugay kining na kontrolar sa mga bombero.
Plano sa opisina City Environment and Natural Resources nga ilang tabunan og graba ang mga basura aron dili kini subling mo-alisngaw.
Samtang laing sunog ang miulbo alas 4:18 sabado sa hapon sa Barangay Napolan partikyular sa Napolan National High School.
Naugdaw ang duha ka classroom sa maong tulunghaan diin sa inisyal nga imbestigasyon nagsugod ang kalayo sa Section Orchids ug mikuyanap sa Section Dalia nga Room. Sumala ni Ma’am Analiza Torres, ilang nadiskobrehan ang baga nga aso sa bintana sa maong room.
Gibana-bana nga mobalor sa 864,000 ang kabtangan nga naabo sa sunog.
