Weather Update! Northern Mindanao, nagpabiling apektado sa Easterlies

PC: CDRRMD / PAG-ASA

6:20 AM 1APR2019

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) SULOD sa Philippine Area of Responsibility (PAR).

Ang Northern Mindanao nagpabiling apektado sa Easterlies diin maka-sinati sa panalagsang pagdag-um ngadto na sa mapanganuron nga kalangitan inubanan sa pat-ak pat-ak nga pag ulan o pagpanalugdog. Ang Frontal System dili direktang maka-apekto sa Northern Mindanao.


Ang Easterlies mao ang init nga hangin nga naga-gikan sa Pacific Ocean nga gadala ug panganud nga posibling makapa-ulan sa mga lugar nga apektado niini.

Hinay (light) ngadto sa kasarangan (moderate) nga hangin gikan Amihanang-sidlakan (Northeast) ngadto sa Sidlakan (East) nga maoy mo-resulta sa 0.6 – 2.1 meters nga balud sa kadagatan sa Northern Mindanao.

Walay natala nga pag ulan sa Cagayan de Oro karong orasa.

Walay pag ulan sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)

Walay pag ulan usab sa Talakag ug Baungon. (Kining mga lugara ang makapasaka sa tubig sa suba sa Cagayan)

NORMAL ang LEVEL sa tubig sa mga suba sa Cagayan ug Iponan.

Samtang, CDRRMD pabilin sa pag monitor.

Facebook Comments