Pagadian City, Zamboanga del Sur – Mikabat sa duha ka sunog ang natala sa Bureau of Fire Protection ( BFP ) Zambaoanga del Sur kagahapong adlawa.
Kapin tulo ka oras nga nakigbugno ang kabomberohan sa lungsod Lapuyan human miulbo ang kalayo alas 2:40 sa kadlawon diin gilamoy ang bakery nga gimanag-iyahan ni Merlita Lumapas og dali kining mikatag sa mga silingang establisyemento nga naa sa commercial area sa Poblacion, Lapuyan, Zamboanga del Sur.
Mobalor sa subra sa tunga sa milyon ang nahimong damyos sa maong sunog nga miresulta usab sa pagkapaso sa biktimang si Rosalinda Daliap.
Samtang naugdaw usab ang pito ka panimalay nga gama sa light materials sa Barangay Dumagoc ning syudad sa Pagadian human gilamoy sa kalayo alas 12:15 kagahapon sa udto.
Walay gikataho nga patay o samaran sa halos usa ka oras nga pakig-away sa mga bombero apan niabot P250 mil ang damyos maong sunog.
Gisuta pa sa imbestigador sa BFP Pagadian ang hinungdan sa pagsugod sa kalayo.
