General Santos City–Gikabutyag karon ni Police Lieutenant Renato Dungca ang tigpamaba sa General Santos City Police Office nga ang mga napatay sa operasyon sa NBI ug kapulisan niadtong milabay nga adlaw nga silang Leo Canumay ug Christopher Wes pulos hamtong ang panuigon ug ang ilang kauban nga si Dexter Bolivar Espin nga malampusong nasikop ang matud pa maoy nag-unang suspect sa pagpapusil patay sa usa ka negosyante nga si Kim Sevilla niadtong milabay nga bulan sa Country Homes Barangay City Heights ning syudad.
Sumala pa ni Lt. Dungca nga sa karon padayon nga ginasuta sa kapulisan kung kinsa pa ang mga kaubanan sa mga nahisgutan ug kung kinsa ang mastermind niini nga mibuhat sa maong krimen.
Ginasuta na usab sa kapulisan kung asa pa naglambigit ang mga nanampit nga suspect ug ginapaabot nalang karon sa kapulisan nga mugawas ang ballistic examination sa mga pusil nga nakuha sa mga nahisgutan aron masayran kung sila ba ang reponsable sa pipila ka shooting incident sa syudad.
Dugang pa niini nga nakuha matud pa sa usa sa mga napatay nga target nga si Christopher Wes ang gigamit nga tricycle sa pagpusil patay sa biktima nga si Sivella ingon man ang motorsiklo niini.
Sa karon gina-imbistigahan pa sa kapulisan kung ang grupo sa mga nahisgutan ang maoy suspect sa pagpusil patay sa duha ka mga intel operative sa syudad ingon man kung usa ba ka organisadong grupo ang mga suspect, dili man usab mabutyag ni Lt. Dungca kung mga gun for hire ang mga nahisgutan.(Dave Silagan)
