Patay ang duha ka suspected drug pushers atol sa Joint drug buy bust operation sa Barangay Casinglot sa Tagoloan, Misamis Oriental mga alas 6:30 kagabie.
Maoy naglunsad sa drug buy bust operation ang mga police nga sakop sa Misamis Oriental Drug Enforcement Unit ug Tagoloan Municipal Police Station.
Matud ni Police Capt. Princess Joy Velarde ang tigpamaba sa Misamis Oriental Provincial Police Office nga ang duha ka suspects mao silang Albert Bincal ug John Mark Maglacion, puros hingkod ang edad ug taga Casinglot, Tagoloan, Misamis Oriental.
Gibutyag ni Velarde nga ang duha ka mga napatay nalambigit sa riding-in-tandem robbery hold-up sa lungsod sa Tagoloan.
Matud ni Velarde nga sa dihang naglunsad sa buy bust ang mga otoridad, si suspect – victim Albert Bincal, mibunot sa iyang armas ug iyang gipusil ang mga police operatives sa dihang iyang namatikdan nga police ang nagpalit kaniya sa illegal drugs.
Gibutyag ni Velarde nga si suspect – victim John Mark Maglacion, midagan ug mitago apan misulay kinig bunot sa iyang Granada busa gi-unhan sila pagpusil sa mga otoridad nga maoy naghatud sa ilang kamatayon.
Apan matud ni Velarde ang duha ka mga suspect-victims, gidala pa sa mga pulis sa St. Paul Hospital sa Tagoloan apan dead on arrival ang mga biktima.
Narecover sa mga police sa crime scene ang usa ka Caliber 38 revolver, usa ka Hand grenade, 500 pesos nga drug buy bust money ug usa ka paketeng suspected shabu.
