Nagtingkagol na karon ang duha ka suspek sa pagpayuhot sa guinadiling droga didto sa brgy. Malilia, Lungsod sa Liloy sakop ning atong probinsya sa Zamboanga del norte.
Kahibaloan nga ang sakop sa kapulisan sa Liloy nagpahigayon kini ug Buy Bust operation sa nahisgutan nga lugar mga 3:34AM niadtong nakalabayng adlaw.
Malampuson usab nga naaresto sila si Lencee Sordilla Salazar usa ka pusher, 26 anyos, ulitawo, ug si Ariel Busig, 25 anyos ang duha pulos molupyo sa brgy. Calucap, lungsod sa Salug.
Nakuha sa ilang posisyon ang 12 ka gagmayng pakete nga adunay sulod nga white crystalline substance nga gituohang shabu, tulo ka P100 nga gihimong mark money, lakip usab nga nakumpiska ang usa ka CKK cellphone.
Sa pagkakaron pormal na nga gipasakaan ug kaso ang mga dinakpan may kalabutan sa paglapas sa R.A. 9165 COMPREHENSIVE DANGEROUS DRUGS ACT OF 2002
