General Santos City—Hugtanong gipanghimakak sa usa sa gitudlong suspek sa pagpatay sa lolo nga si Caludin Ondong nga taga Purok 5, Lanton, Barangay apopong Gensan nga si Purok Chairman Randy Saludin nga taga Barangay Lun Masla Malapatan, Sarangani nga siya dunay kalambigitan sa pagpatay sa nahisgutan.
Sumala ni Saludin nga dihang nahitabo ang pagpamusil sa nakalabayng simana sa mosque sa Lantong, Apopong siya anaa lang sa ilang umahan sa Lun Masla, Malapatan. Natingala nalang sya nga siya gipahibalo nga siya usa sa mga suspek sa pagpatay sa biktima. Gihingusgan ni Saludin nga dili makatarunganon nga siya pasanginlan sa krimen nga wala niya nahimo.
Samtang gibutyag usab ni Ustadz Tahir Pala nga daghan syag testigo nga makasulti nga siya anaa lang a ilang Barangay dihang nahitabo ang pagpamusil kang Ondong. Iyang gipaklaro nga wala gyud syay plano nga mupatay ug tawo sukwahi sa pasangil kaniya ug sa uban pang suspek nga sila maoy nipatay sa nasampit nga biktima.
Kahinumduman nga ginganlan sa pamilya sa biktima ang mga suspek sa krimen diin apil ang iyang pangalan ug ni Ustad Tahir Pala nga residenti usab sa Barangay Lun Masla, Malapatan.
