General Santos City–Hingpit ng gi-relieve sa pwesto silang Police Senior Superintendent Raul Supiter, City Director sa Gensan City Police Office ug Police Senior Superintendent Manuel Lukban Regional Chief Of Directorial Staff sa Police Regional Office 12.
Epektibo kagahapong adlawa, Marso 25 ang relieve order gikan sa kampo crame. Ang maong relieve order ang may kalabutan sa iskandalong gika-lambigitan sa kapulisan sa rehiyon nga PPM kon Pulis Paluwagan Movement.
Sa kasamtangan ang duha ka mga opisyal ang anaa sa Personnel Holding And Accounting Unit sa kampo crame.
Nasayran nga hilabihan ang kadismaya ni Police Chief Superintendent Eliseo Rasco, Regional Director Sa Police Regional Office 12 nga halos tanang pulis sa rehiyon ang nabiktima sa maong Ponzi Scheme.
Gawas sa duha ka mga opisyal, padayon ang ginahimong imbestigayson sa CIDG Region 12 ug uban pang mga pulis nga nalakip sa listahan nga sumala pa lambigit sa mga nagpaluyo sa maong scam.
Kahibaluan nga anaa sa 1.99 billion ka pesos ang kwartang nawala sa han-ay sa kapulisan gumikan sa maong scam nga nagtanyang ug 60 ngadto na 120% matag bulan.
