General Santos City–Involve matud sa daghang krimen ang tulo ka mga target sa NBI sa ilahang gipahigayon nga emplementasyon sa search warrant uban ang Police Station 4 nga gikamatay sa duha ka mga target ug pagkasikop sa usa pa ka indibidwal alas 12:00 pasado ang takna sa kaadlawon sa purok bagong pag-asa Phase 5, Barangay Mabuhay ning syudad sa Gensan.
Sumala pa ni NBI Sardo Chief Regner Peneza nga ang mga target nga silang Leo Canumay, 38 anyos ug Christopher Wes, hamtong ang pangidaron ang misukol matud pa sa mga personahe sa NBI ug Police Station 4 atol sa operasyon gumikan sa paghupot ug dili lisensyadong armas hinungdan nga midepensa ang otoridad ug napulisan ang mga nahisgutan.
Gidala pa sa ospital ang mga nasampit apan gideklara kining dead on arrival.
Samtang nasikop usab si Dexter Bolivar Espin, legal age nga residente usab sa maong lugar. Nakuha sa panimalay sa mga nasangpit ang mga bala ug armas ingon man usa ka eksplosibo.
dugang pa niini nga ilado na matud pa ang pangalan sa mga nahisgutan nga adunay involvement sa daghang krimen sa syudad.
Gani gikumpoerma usab ni peneza nga ang usa sa mga napatay sa operasyon ang suspect sa pagpamupusil patay sa usa ka police niadtong milabay nga tuig ug myembro kini sa usa ka organisadong grupo.(Dave Silagan)
