General Santos City—Gi-andam na sa Police Station 1 ang kasong pagsupak sa RA 9165 , sec 5 kon pagpamaligya ug iligal nga droga ug sec 11 paghupot ug iligal nga droga batok sa duha ka mga tricycle driver nga silang Ramil Rubio alyas Dado hamtong ang panuigon ug nga nanimuyo sa Prk. Greenville, Barangay Calumpang ug Ranillo Dalogdog, 30 anyos nga nanimuyo sa Barangay Dadiangas West ning syudad human nga masikop sila sa gipahigayon nga buy-bust operation sa kapulisan.
Sumala pa ni Police Captain Abdulsalam Mamalinta ang hepe sa Police Station 1 nga nakadawat matud pa sila ug impormasyon nga naglambigit sa pagpamaligya ug iligal nga droga ang mga suspect hinungdan nga gilayong gikasa ang buy-bust operation.
Una matud pang nasikop si alyas Dodo ug nakuha sa iyahang posisyon ang P500.00 nga buy-bust money ug lain pang sachet sa gikatahapang shabu sa Daremco, Street Barangay Dadiagas West gitudlo usab sa suspect ang kauban niini nga si alyas Dodong nga maoy iyahang ginakuhaan hinungdan nga gipahigayunan ug follow-up operasyon ug didto nasikop ang suspect kung asa nakuhaan usab kini ug droga ug buy-bust money sa ilang posisyon.
Dugang pa ni mamalinta nga si alyas Dodong kon Ranillo Daligdig ang kanhing penireso sa susamang kaso ug bag-ohay lang nakagawas ingon man graduate usab kini sa community base rehab program sa Barangay West apan mibalik sa pag pamaligya ug iligal nga droga.Gikumperma man usab ni Captain Mamalinta nga igsuon usab sa nasampit nga suspect ang napatay sa Police Operation sa RPDEU niadtong milabay nga Enero 23.
