Dead On Arrival sa Don Valerio Palmares District Hospital sa Passi City ang duha ka tuig nga bata matapos nalumos sa irigasyon sa Sitio Lubo, Brgy. Tambunac, San Enrique ,Iloilo kaina sang hapon (Mayo 28,2019). Ginkilala ang biktima kay Baby Sian Belgira sang nasambit nga lugar. Ginpahayag nga mga alas 4:00 sang hapon sang ginbilin sang iloy nga si Joy Belgira ang iya anak nga nagahampang sa guwa sang ila balay agud mag panglaba sa likod apang sa iya pagbalik wala na ang bata kabangdanan nga iya ginpangita. Ginapatihan nga nagdulhog ang bata kag nahulog sa irigasyon kabangdanan nga ini ang nalumos.
Gintinguhaan pa nga ma-revive ang bata apang wala gid matabangan sang gindala sa ospital. Sa karon, yara na sa Chavez Funeral Homes ang bangkay sang nasambit nga bata.
