Nakilala na ang bangkay sang babaye nga nasapwan kahapon sa kilid sang dalan sa barangay Sapao, Dumangas, Iloilo.
Ginpahayag ni Police Major Joegen Suegay, hepe sang Dumangas PNP nga mismo ang iloy sang biktima ang nagkilala diri nga amo si Marlyn Cerdenia, tumandok sang San Miguel, Buenavista, Guimaras apang nagapuyo sa Zone 8 Calumpang, Molo.
Suno kay Suegay nga base sa ila imbestigasyon, may kaangtanan sa negosyo ang posible motibo sa pagpatay sa biktima.
Dugang pa ni Suegay nga may yara na sila sang persons of interests nga may kahimuan sang krimen apang padayon pa sila nga nagatipon sang mga ebedensya batuk sa mga ini.
Facebook Comments
