Duha ka ‘tulak’ arestado

51

Davao City – Duha ka presinto sa kapolisan ang naglusad og buy-bust operation.

Sa San Pedro PNP nadakpan alas-4:10 sa hapon ang drug pusher naila nga si Ryan Dinglasa, hingkod ang edad, residente sa Sobrecarey St., Brgy. 15-B, siyudad sa Davao.


Narekober sa kapolisan gikan sa suspek ang duha ka pakete sa gituohang shabu lakip ang buy-bust money nga P1,000.00.

Samtang arestado sa Talomo PNP ang laing drug pusher alas-5:40 sa hapon ang dinakpan nga si Jesus Dela Peña, hingkod ang edad, residente sa Malvar St., Brgy. 7-A ning siyudad.

Human gikasa ang buy-bust operation atubang sa RMC College sakop sa maong barangay, nakumpiska sa kapolisan gikan sa suspek ang tulo ka managlahing pakete sa gituohang shabu, usa ka cellphone ug illegal drug paraphernalla.

Ang duha ka dinakpan balhug na sa tagsa-tagsa ka mga presinto ug muatiubang og kasong may kalapasan sa Akta Republika 9165 kun Comprehensive Dangerous Drugs Act of 2002.

RadyoMaN Don Pulayao

Facebook Comments

From Advertisers