Mukabat sa Trayntay-Dos Milyones ka pesos (P32M) nga kantidad sa infrastructure projects ang tagaag inagurasyon og groundbreaking karong adlawa sa lungsod sa Malungon, Sarangani Province, gipondohan tanan sa Sulong Imprastraktura program.
Unang blessing-an og i-turnover unya ang bag-uhay ra nahuman nga konkretong tulay nga nag-konekta sa Barangay Malalag Cogon og Barangay Upper Biangan mubalor kinig Dise-Otso Milyones ka pesos (P18k). Gikonsidera ang Upper Biangan nga rice granary sa Malungon tungod sa halapad nga production area sa humay og mais, apil na mga lubi, tubo og mangga, maka-benipisyo apil ang mga residente sa Barangay Poblacion. Samtang, ang dalan gikan sa national highway paingon sa maong tulay ang takda pud nga i-groundbreaking karong adlawa mukantidad og Dyes Milyones ka pesos (P10M), maong dako ang pagpasalamat ni Malalag Cogon Kapitan Kean Ceazar Nallos.
Sa pikas nga bahin, karong adlawa matigayon pud ang inagurasyon sa steel bridge sa Barangay Datal Tampal, Malungon nibalor kinig Kwatro Milyones ka pesos (P4M). Segun ni Datal Tampal Kapitan King Tampal, baynte-syete (27) katuig pud nilang gihulat nga makapatindog og usa ka lig-on nga tulay luwas magamit sa iyang mga katawhan, og kini ang na-konstrak na.
Pagpasemento sa nag-unang provincial road sa kabukiran og pagpatindog sa pulidong tulay ang prayoridad ni Governor Steve Chiongbian Solon. Gani, kung suruyon ang main provincial roads entiro Sarangani Province sa pagkakaron ang halos sementado na matud pa ikumpara kaniadto.
