Prisohan ang gitugpahan sa duha ka pinangita sa balaod human nadakpan sa gilusad nga operasyon sa kapulisan ning probinsya sa Zamboanga del Sur.
Alas 8:20 nadakpan sa elemento sa kapulisan sa lungsod sa San Miguel ang wanted sa kasong frustrated murder sa Purok Quirino, Poblacion, San Miguel, Zamboanga Del Sur.
Giila ang naaresto nga si Arnel Labica, 35 anyos, minyo og lumulupyo sa Purok Mangga, Brgy. Dao-an sa maong lungsod.
Ang pagsikop gipasikad sa gahom sa Warrant of Arrest nga gipagawas ni Judge Ruben Bance, sa RTC Branch 29, San Miguel, Zamboanga Del Sur sa kasong FRUSTRATED MURDER dinukitan sa criminal case No. 17-164.
Mokabat sa P120 mil ang pyansa nga gimando sa korte bugti sa iyang temporaryong kagawasan.
Samtang dakpan usab ang wanted person sa lungsod sa Dumingag nga si Eugene Tolibas dihang nasiplatan kini sa kapulisan sa Brgy. Lower Salug Daku, Mahayag, Zamboanga Del Sur.
Ang 37anyos nga nadakpan residente sa Brgy Lower Landing, Dumingag, Zamboanga Del Sur og dunay warrant of arrest sa krimen nga HIGHWAY ROBBERY diin mokantidad sa P200 mil ang pyansa nga girekomenda sakorte bugti sa iyang temporaryong kagawasan.
