Duha ka wanted persons sikop sa Buhangin PNP

Davao City- Walay hunong ang kapulisan sa Buhangin sa pagpanikop sa mga tawo nga dunay giatubang nga kaso sa korte.

Subay sa gihimong Major Anti- Crimininality/ Terrorist Clearing Operation, malampuson nga nadakpan ang duha ka wanted nga nagtago-tago sa Buhangin area.

Unang gisilbihan sa orden de aresto mao si Audie Pingul, 48 anyos nagpuyo sa Barangay Indangan, Buhangin District alas 6:30 sa kabuntagon.


Ang akusado dunay pending nga kasong grave threat sa sala ni Honorable Judge Jimmy Boco, presiding judge sa Municipal Trial Court in Cities Branch.

Ang korte nagrekumendar og 2,000 pesos nga bailbond alang sa temporaryo nga kagawasan sa akusado.

Giposasan sab sa Buhangin PNP warrant section sa pagpanguna ni Police Inspector Felix Auxtero si Lanie May Cepeda, 27anyos, dunay kapuyo-puyo residente sa dalang Talisay, barangay Buhangin pasado alas 7:00 gahapon sa buntag.

Ang huwes sa Regional Trial Court Branch 14 nagmando sa Buhangin PNP nga sikupon si Cepeda aron taralon sa kasong qualified theft nga gipasaka niadtong buwan sa Pebrero ning kasamtangang tuig.

Ang huwes naghatag og kahigayonan nga makabayad og 24 mil pesos nga bailbond alang sa temporaryo nga kagawasan si Cepeda.

Ang duha nagpabiling balhug sa Buhangin PNP.

RadyoMaN Joel Viray

Facebook Comments