Arestado ang usa ka wanted sa gihimong operasyon sa kapulisan sa Godod ug sa Leon B. Postigo didto sa may barangay Bogabongan, Leon B. Postigo niadtong adlawng lunes sa may 1:30 PM.
Ang nadakpan nailang si Pablito Casik Tomiknol, 49 anyos ug residente sa may Delucot, sakop sa lungsod sa Godod.
Naaresto kini pinaagi sa warrant sa kasong Homicide, ilawom sa CC no. L-002867 ug adunay pyansa nga girekomendar ang korte sa kantidad nga 40mil
Samtang laing wanted nga si Charlito Haictin Toliao ang nag atubang sa kasong Grave Threats ang hulog usab sa kamot sa PNP La Libertad human gisilbi ang warrant gikan sa lamesa ni Judge Dante Dalman sa MCTC, RTC9 br. 1, Piñan.
Adunay pyansa nga mokantidad sa 12mil alang sa iyang temporayong kagawasan.
Kasamtangan pa karong na preso si Pablito Tomiknol samtang si Charlito ang gibuhian ra dayon human naka pyansa.
Padayon gihapon ang hugot nga seguridad sa kapulisan ning probinsya aron luwas ang katawhan dinhi sa probinsya ilabi na nga adunay sunod-sunod nga pagpamomba sa kasikbit nga mga probinsya.
