Duha ka kanhi preso, sikop sa drug buy bust operation

Duha ka kanhi preso ang gisikop sa mga operatiba sa Agora Police Station atol sa managlahing drug buy bust operation kagahapong adlawa.

 

Unang gisikop mga ala 1:30 kagahapon sa hapon sa Purok 1, Barangay Gusa ning syudad ang suspect nga si Rolan Palacat, 35 anyos, ulitawo ug residente sa maong lugar.

 

Si Palacat napalitan og usa ka sachet sa gituohang shabu gamit ang 500 pesos nga marked money.


 

Samtang mga alas dos sa hapon sa samang lugar, gisunod ang laing operasyon diin nasikop si Richard Cheung, 39 anyos, ulitawo.

 

Si Cheung napalitan og usa ka sachet sa gituohang shabu gamit ang 500 pesos nga marked money ug nakuhaan sa laing upat ka sachet sa gituohang shabu nga gibana-banang nagkantidad og 12-mil pesos.

 

Ang duha ka dinakpan parehong miyembro sa BM 29 gang human napriso sa Lumbia City Jail tungod gihapon sa druga sa kasong paglapas sa Republic Act 9165 o Comprehensive Dangerous Drugs Act of 2002.

Facebook Comments