Gisikop sa kapulisan sa Bulua Police Station ang unom ka mga babaye ug gipriso sa Maharlika Detention Cell human nasapon sa akto nga nagsugal sa dulang tong-its
Ang mga suspects mao silang Juliet Acut, 60 anyos, balo, tag-iya sa balay kung asa nagdula sa braha, Nora Cabanos, 38 anyos, dalaga, Ryan Joy Bayawa, 22 anyos, dalaga, Fernanda Malicoban, 54 anyos, balo, VeeJean Ugsalan, 23 anyos, dalaga ug Cristy Sudario, 32 anyos, minyo nga puros taga Relocation, Barangay Pagatpat ning syudad sa Cagayan de Oro.
Nakuha sulod sa balay ni Acut ang duha ka lamisa, duha ka sets sa braha ug taya nga mokabat sa dul-an 700 pesos.
Gisikop ang mga suspects mga alas 3:40 kagahapong adlawa ug nakatakdang pasakaan og kasong paglapas sa Presidential Decree 1602 kon illegal gambling.
