[image: IFM 919 Logo (1).jpg]
Duha ka myembro sa New People’s Army gikan sa Guerilla Front 71, Far South Mindanao Region ang boluntaryong nitahan sa ilang kaugalingon dala sab ang ilang armas ngadto sa tropa sa gobyerno.
Nitahan sila ngadto sa mga tropa sa 73rd Infantry Battalion sa may Barangay Poblacion, Malapatan, Sarangani kaniadtong alas-8:30 sa buntag, December 28, 2018.
Usa ka 26-anyos nga si Darwin Tanod alyas Darwin, residente sa Barangay Datal Bukay, Glan, Sarangani Province nga myembro sa Platoon South sa maong Front dala sab niini ang iyang Garrand Rifle.
Nisurender sab ang 36-anyos nga si Felipe Magwan alyas Jesse, residente sa Barangay Alegria, Alabel, Sarangani Province myembro sa Platoon North sa maong Front, mitugyan sab sa iyang Calibre .45 Pistol.
Ang duha ka rebelde nagkanayon nga kahadlok og kabalaka ang nipatigbabaw kanila gumikan sa nagpadayong military operations sa tropa sa gobyerno sa Sarangani.
Gipangmingaw na sab sila sa ilang mga pamilya nga dugay nilang wala mabisita samtang nadismaya sad sila tungod wala matuman ang gisaad sa ilang organisasyon nga nirekrut kanila.
