Jamindan, Capiz – Ginkumpirmar ni Jamindan Mayor Mac Valdemar nga duha na ka mga sitio sa Barangay Lucero ang ginpaidalom sa enhanced community quarantine ukon temporaryo nga gin-lockdown.
Ini ang kasunod sang pagpositibo sang ikaduha nga LSI sa amo nga lugar sa corona virus disease.
Bangud sini temporaryo nga gin-lockdown ang Sitio Agsasaging kag Sitio Intupngan sa amo nga barangay.
Katuyoan sini agud nga malimitahan ang hulag sa mga tawo sa lugar kag agud nga mapatigayon ang nagakaigo nga contact tracing.
Samtang ginkumpirmar ni Mayor Mac Valdemar nga may yara sang indi magnubo sa 15 ka mga persona ang ginakabig nga high risk contacts matapos ang mga ini ang nakahalubilo sang nagpositibo nga mga persona.
photo(c)- MDRRMO Jamindan
Facebook Comments
