Davao City – Patay ng nakaplagan si Arnold Vardon ug usa ka Joel Cerojuano human nalumos sa usa ka hydro power plant sa may Brgy. Catalunan Pequeño ning siyudad nga gipanag-iyaha sa Aboitiz company.
Base sa report, Biyernes sa sayong kahaponon nanglimpyo ang duruha ka mga biktima kuyog pa ang laing kauban niini nga si alyas Jun ug ilang gilimpyohan ang maong planta tungod barado na ang drain part niini og mga water lilies ug uban pang mga gapnod.
Sa wala damha nasuyop sa lilo kining duha ka mga biktima.
Nasulayan sa paghawid ni alyas Jun ang duha apan sa kabug-at ug tungod sa kakusog sa suyop sa lilo nadala ang mga biktima ug wala na kini matabang.
Gisulayan sa pag rescue sa taga Urban Search and Rescue (USAR) 911 ang mga biktima apan na missing pa kini.
Nakita niadtong Sabado si Joel diha sa ubos lang nga bahin sa maong planta samtang kagahapon bandang alas-11:00 ang takna sa buntag nakita usab si Arnold diha sa may Prk. Aplaya sa Brgy. Catalunan Grande ning siyudad ning siyudad ug pulos gikabsan na sa kinabuhi.
Sa pagka karon gidala na ngadto sa ilang mga kabanay ang mga patay’ng lawas sa mga biktima.
RadyoMaN Paul Canono
