Ha impormasyon nga nakuha tikang 8th Infantry Division, Philippine Army, samtang nagdudumara hin military operation an tropa han goberyo ha Sitio Badulan ha nasabi nga lugar in ginpabuthan hira hin maabot 10 nga myembro han Squad 2, Front Committee 1, nga gin papamunuan ni Jerry Lutao alias Nadi.
Umabot ha 20 minutos an purupsilay antis kumalagiw an mga rebelde.
Ine in nagresulta han pagkamatay alyas Nadi ngan an squad leader nga kinilala kan Brando Obiado alyas Idol.
Narekopo gihapon an duha nga M16A1 riffle, usa nga M14 riffle ngan iba pa nga mga gamit han grupo.
Samaran naman an usa nga sundalo ngan hapagkayana in nagpapatambal na ha hospital.
Mababaruan nga labot la han mao nga panhitabo, nagkaada gihapon hin engkwentro an tropa han 87th Infantry Batallion kontra ha lima nga myembro han NPA ha Barangay Bangon, Catbalogan City, dida han July 21, 2023.
Ine in nagresulta hin pagkakumpiskar hin tulo nga M16A1 rifles, usa nga hand grenade, tulo nga magazine assembly (30 rounds), tulo nga magazine assembly (20 rounds) ngan binocular.
Ha statement ni Major General Camilo Ligayo, Commander han 8ID, hiya in nagpadangat han pagkasubo ngan pakigduyog ha pamilya han mga NPA nga naawat han kinabuhi. Iya naman gihapon utro nga gin aghat ngan ginpapanawagan an mga nabibilin pa nga NPA nga sumurrender na ha gobyerno.
“If they only heed the call of the government to surrender, this will not happen, a better life awaits by reintegrating them into the mainstream society.”
“Your Army in Eastern Visayas will be relentless in its pursuit of the remnants of the communist terrorists in Northern Samar to finally put an end to the last bastion of insurgency in the country,” siring ni Maj. Gen. Ligayo. (📷8th Infantry’Stormtroopers’Division)
