Davao City – Nagpadayon karon ang imbestigasyon sa Sta. Cruz Municipal Police Station human gipusil patay ang biktima nga si Willie Bualan Eulogio, 32 anyos, ulitawo, residente sa Purok Kadena de Amor, Barangay Coronon, Sta. Cruz, Davao del Sur sa suspect nga si Marvin Arcayna, residente sa maong lugar, kinsa misibat human sa insidente.
Subay sa report sa Sta.Cruz MPS, pasado alas 7:00 ang takna (July 22, 2023), samtang naglingkod ang biktima atbang sa usa ka Bakery sa Barangay Coronon, kalit giduol sa suspetsado nga nagsakay og motorseklo ug gipusil sa makalima ka higayon igo sa lawas sa wala pa masayring hinungdan.
Si Eulogio, gihatud pa sa Digos National Hospital, apan gideklarang dead on arrival sa mananambal.
RadyoMaN Ian Cris Palomar
Facebook Comments
