General Santos City— Dakpan sa gipahigayong search warrant operation sa PDEA 12 sa pagpanguna ni PDEA 12 Director Gil Castro ang duha ka mga gituuhang miyembro sa Ansar Khilafa Philippines ug miyembro sa El Patron Drug Group.
Giila ni Joni Layso, tigpamaba sa PDEA 12 ang mga suspek nga silang Alhotaibby Lumatao, 36 anyos ug Faroon Lumatao, 35 anyos nga susamang residente sa Brgy. Kanalo, Maasim, Sarangani Province.
Nakuha gikan kanila ang mukabat sa 40gramos sa gituuhang shabu kantidad P410,000. 00, eksplosibo ug mga buhing bala. Dugang pamahayag ni Layso nga dugay ng gipa-ilawom sa surveillance ang mga suspek hangtud nga gipahigayunan ug operasyon kung asa pinirmahan ni Judge Bill Ybarley sa Branch 38 sa Alabel Sarangani ang maong search warrant.
Basi sa ilahang intel report, downline ni Maasim Mayor Jojo Lopez ang mga nahisgutang suspetsado nga mga sympathizer usab sa ISIS.
Sa kasamtangan, anaa na sa lock up cell sa PDEA 12 ang mga nahisgutan ug nakatakdang mag-atubang ug kasong paglapas sa Sec. 11 sa R.A 9165 ug R.A 9516.
