Ginkilala an mga namatay nga hira Sammy Jumadiao, 37 anyos; Rolando Casaljay, 35 anyos, pareho nga mga residente han Brgy. Caugbusan, Gandara, Samar.
Samaran naman hira Marvin Taduyo y Padang, 29 anyos, ngan Teresito Picson, 58 anyos, nga mga residente gihapon han Brgy Caugbusan ha lugar.
Ha impormasyon nga nakuha ha Gandara MPS, an mga biktima in sakay hin tulo nga motorbanca dida han ginpamumusil hira han dire pa masabtan nga kadamo han mga suspek nga naka-posisyon ha bukid nga parte han lugar.
Nakita pa han usa nga mga biktima nga lumusad an usa nga suspek ngan didto na gintiwasan pagpusil hasta nga namatay hi Casaljay.
Nakadalagan naman an duha nga mga biktima bisan nag-antos na gihapon ine hin mga samad nga inig-an han bala.
Nadara ha hospital an mga biktima ngan yana in nagpapatambal na.
Hapagkayana, ginbeberipika pa han RMN Tacloban kun may koneksyon ha tiarabot nga Brgy ngan SK election an panhitabo tungod nga ginsisiring nga hi Picson, usa ha mga nasamaran in makandidato pagkakapitan ha lugar.
P adayon naman an ginbubuhat nga imbistigasyon han gandara MPS ha mao nga panmusil.
