General Santos City—-Duha patay sa natigayong engkwentro tali sa tropa sa gobyerno partikular na sa 39th Infantry Batallion ug rebeldeng New People’s Army sa may Sitio Caceras, Brgy. Upper Bala, Magsaysay, Davao Del Sur.
Sumala pa kang lt. Col. Rhojun Rosales, commanding officer sa 39th IB nga nakadawat ug impormasyon ang militar nga adunay panagtapos ang dili muubos sa 30 katao nga mga armado ang naa sa lugar rason nga ilaha kining girespondihan.
Sa tala sa 39th IB, gipangunahan sa nagpangalang Norma Capuyan Alias Libra, Dave Verano Alias Borjack Ug Eusebio Cranzo Alias Brix ang maong grupo.
Dugang pamahayag ni Lt. Col. Rosales nga nakuha gikan sa posiosyon sa duha ka mga npa nga namatay ang duha ka m16 rifle.
Gipasalamatan man usab sa nasangpit nga opisyal ang katawhan sa lugar gumikan saq impormasyon nga gihatag batok na sa presensya sa rebeldeng grupo.
Sa karon, ginasuta pa ang ilahanan sa duha ka mga npa nga namatay. Gawas s amga namatay, ubay-ubay matud pa nga npa ang nasamdan nga giguyod sa ilahang mga kaubanan. (photo: 1002nd Brigade)
