Duha ka managlahi nga insidente sa pagpamusil natala dinhi sa dakbayan sa Sugbu kagahapon nga nikalas ug duha samtang usa ang na-angol.
Usa ka lalaki ang gipusil-patay sa Cabantan Barrio Luz kagabii , sa lalaki nga iyang gikasugat ug gikabangga samtang sila naglakaw sa hagip-ot kaayo nga agianan sa maong lugar .
Ang biktima nga si Keith Clyde Sabas taga Sto. Niño Barrio Luz naigo sa iyang ulo hinungdan sa pagkamatay niini , samtang adunay laing babaye ang napagan ug naigo sa iyang tiil .
Ang suspek nga nagsul-ob ug itom nga jacket nga adunay “hood” daling nakasibat sa lugar .
Samtang usa ka lalaki nga nagpuyo sa Carbon area ug gitohoang usa ka “hitman” napatay sa operasyon sa Regional Special Operations Group-7 ,human gialarma nga armado.
Napatay sa operasyon ang 33 anyos nga si Janess Cabugason human giingong nisukol sa mga sakop sa RSOG-7 .
Matud sa hepe sa Carbon Police Station Sr. Inspector Jonathan Taneo si Cabugason , gilambigit sa mga kaso sa pagpatay diha sa maong lugar.
