General Santos City— Duha ang naitalang patay gumikan sa managlahing disgrasya sa kadalanan kaganihang kadlawon Abril 2.
Ang mga biktima nailang sila si Jovanie Calamayan, 18 anyos ug estudyante sa Golden State College.
Sumala pa nga alas 2 pasado ang takna kaganinang kadlawon dihang nahitabo ang aksidente apan alas 3 pasado na kini nadala sa balay tambalanan. Sa inisyal nga pagsuta, gibangga matud pa niini ang usa ka street light nga nahimutang sa may Brgy. Lagao partikular na duol sa usa ka gasolinahan.
Samtang patay usab ang usa ka Hermonio Mallorca, 22 anyos nga residente sa Prk. Masagana, Brgy. Buayan ning dakbayan human kining makigsungag sa usa ka tricycle nga gimanihuan ni Jamal Abdulfaho, 33 anyos nga residente sa Prk. Banisil, Brgy. Tambler ning dakbayan.
Sa inisyal nga imbestigayson, nahitabo ang aksidente sa may highway nga bahin sa Prk. Malok, Brgy. Labangal ning dakbayan ala una pasado ang takna sa kadlawon. (PHOTO FROM WEB)
