Dead on the spot ang drayber sa truck ug ang angkas sa usa ka motorsiklo sa dihang nagbangga kini didto sa kadalanan sa Purok 5, Zigzag Road Palacapao, Quezon, Bukidnon adtong milabayng Domingo, Septembre 5, 2021.
Giila ang mga nakabsan nga sila Rolando Pugoy, 37 anyos, minyu ug residente sa Purok 4, Libertad, Quezon, Bukidnon ug si Maribeth Salas, 35 anyos ug residente sa Buda, Marilog District, Davao City.
Basi sa imbetigasyon sa kapulisan, gadagan padulong Valencia City ang Wing Van Truck nga may kargang floor tiles gikan sa Davao City sa dihang na-overshoot kini sa may kurbada nga bahin sa naasoy nga lugar ug nasapon ang katabo nga motorsiklo.
Tungod sa kakusog sa impak, nahulog sa pangpang ang naasoy nga truck ug motorsiklo nga miresulta sa kamatayon sa drayber niini lakip ang angkas sa maong motorsiklo. Samdan usab ang drayber sa motor ug ang pahinante sa truck nga layong gidala sa dool nga tambalanan.
Hugot karon nga gipahimangnuan sa mga kapulisan sa Quezon ang mga motorista nga magsunod gayud sa balaod trapiko aron mahilikay sa disgrasya.
