Tul-id ang tiil sa duha ka mga indibidwal human nakigpinusilay sa mga tinugyanan sa balaod pinaagi sa hini-usang pwersa sa 905th Regional Mobile Force Battalion 9, 42nd IB PA, Zamboanga Del Norte Provincial Mobile Force Company, ug kapulisan sa lungsod sa Siocon ug lain pang duha nga naaresto atol sa operasyon.
Dili mo ubos sa 7 ka mga law less element Group ang na engkwentro sa mga tinugyanan sa balaod partikular mente sa may Sitio Sapa Bayol, Brgy. Malambuhangin lungsod sa Siocon niadtong adlawng martes sa may 9:30AM.
Ang maong operasyon miresulta kini sa pagkamatay nila ni Ali Luminguis ug Ato Luminguis pulos kini sila myembro sa Isnain Luminguis group kinsa adunay tanggong warrant of arrest sa kasong Murder. Narekober sa posisyon ni Ali Luminguis ang usa ka unit nga kalibre 45 ug lima ka mga buhing bala ug usa ka cellphone.
Atol sa maong engkwentro duha usab ang naaresto tungod sa paghupot sa illegal nga armas ang mga naaresto mao sila si Attang Sabuddin Y Tunggal nga aduna pud tanggong nga kaso sa korte ug si Hatta Orak y Angsa pulos kini residente brgy. Malambuhangin.
Nakuhasa posisyon ni Attang Sabuddin ang usa ka kalibre 45 adunay SN 352864 usa ka magazine nga kargado sa mga buhing bala samtang kang Hatta Orak nakuha ang kalibre 22, ang mga narekober nga armas sa mga gituohang armado.
Ang mga namatay anaa na karon sa ilang mga kabanay alang sa pagpahiluna samtang ang mga nadakpan pormal na nga napasakaan ug kaso tungod sa paghupot ug dili lisensyadong armas.
Padayon usab ang pagpangita sa kapulisan sa maong lungsod ang mga nahabiling kauban ani nga naka eskapo atol sa engkwentro.
