*Duha ang patay samtang usa ang samdan human ang nahitabong pagpamusil sa brgy. Koronadal Proper, Polomolok, South Cotabato, alas 8 pasado ang takna sa gabii.*
*Subay sa imbestigayson sa kapulisan, nanihapon ang mga biktima sa balkonahe nga bahin sa balay sa ni Barangay Koronadal Proper Kagawad Aliman Macabangin Jr. dihang gipamusil sa wala mailhing suspek.*
*Swerteng wala maigo ang konsehal, apan tulo sa mga miyembro sa pamilya niini ang naigo, Dead on the spot si Razil Macabangin human makaangkon ug ubay-ubay ga igo pinusilan sa lawas.*
*Daling gidala sa balay tambalan si Aserin Macabangion apan gideklara kining dead on arrival. Samtang si Jaria Macabangin ang padayong nagpa-alim sa mga igo pinusilan nga naangkon.*
*Narekober sa crime scene ang mga basyo sa 5.56mm ug laing basyo sa wala pa masutang armas.*
*Sa kasamtangan, aduna nay ginatan-aw nga motibo ang kapulisan sa Polomolok sa maong krimen ug aduna na usab silay gina-sundan nga lead sa maong pagpamusil subay sa pamahayag ni kagawad Macabangin ug mga testigo.*
*Gipaniguro man usab ni Police Lt. Col. Marvin Duadua, hepe sa Polomolok PNP ang paspas nga pagresolba sa maong kaso.*
